اسلام آباد (پی ٹی وی نیوز) وفاقی حکومت نے پٹرول اور ہائی اسپیڈ ڈیزل کی قیمت میں 2 روپے فی لیٹر کمی کر دی ہے۔ اوگرا کے نوٹیفکیشن کے مطابق نئی قیمتیں آج منگل 17 نومبر سے نافذ ہیں؛ پٹرول 330 سے کم ہو کر 328 روپے اور ڈیزل 360 سے کم ہو کر 358 روپے فی لیٹر ہو گیا ہے۔
ڈان کے مطابق یہ قیمتوں میں مسلسل دسویں کمی ہے۔ حکومت پٹرول پر 114 روپے اور ڈیزل پر 100 روپے فی لیٹر ٹیکس اور ڈیوٹیاں وصول کر رہی ہے۔ دو نومبر سے اب تک پٹرول 46 روپے 51 پیسے اور ڈیزل 37 روپے 20 پیسے فی لیٹر سستا ہو چکا ہے۔ دوسری جانب آل پاکستان پٹرول پمپ اونرز ایسوسی ایشن نے بار بار تبدیلی کے بجائے ماہانہ نظرثانی کا مطالبہ کیا ہے۔ (ماخذ: ڈان)









